towards unbeing

Inch another one

Like a second towards death

Or one away from life

I long to un-be

I wish to un-be

Hurt it does

Not a moment of joy

Taking so long to unlive

Wish all towards life..

Another night, ahoy,

another night...

kamzarf raat

siyaah raat, haaye sard raat, 
phir bisree yaadein laayi, 
bedard raat.. 


khwaahish-e-aab mein saara din tapey hum, 
shabnam bhi kho kar aayi, 
aaj yeh zard raat.. 


jaane kitne hi katl karwaaye khwaabon ke, 
paas khadi muskaaye dekho, 
kamzarf raat.. 


dil tha buzzdil pehle se, magar, 
hasraton ko bhi kar deti ab toh, 
naa-mard, raat.. 


saansein ruk jaaye, hassti bujhh jaaye, 
aaye, kabhi aisi bhi aaye, 
meri humdard raat..

insaan koi ho

Baapu ke tab, aur ab anna ke sahaare,

Har koi, khud ko aise baa-imaan pukaare

Sach aur jhooth ki, kabhi pehchaan koi ho..

logon ki iss bheed mein, insaan koi ho..


Baarish mein jo, sadako pe be-libaas pade hain,

maasoom.. bad-naseeb.. aur udaas bade hain,

Bachhon ke inn chehron pe bhi muskaan koi ho..

logon ki iss bheed mein, insaan koi ho..


Upar ki har waqt kahee, na sochi yeh dharaa ki,

aaj meri baat yeh, sun lo toh zaraa si,

ki raam se aage, kabhi pahunche ye diwali,

aur mulk ko samjhe, aisa ramzaan koi ho..


logon ki iss bheed mein, insaan koi ho...

logon ki iss bheed mein, insaan koi ho...

yeh aadha chaand... do taare...

yeh aadha chaand, do taare

     aur iss ped ke saaye se bheegi huyi yeh zameen...

kuch yaad dilaati hain..

taare kabhi, khoob saare huaa karte thhe

     kabhi yeh aasmaan kaala hua karta tha

gehraa kaala

coffee sa kaala...

     par ab mere hisse ke baaki taare,

iss shehar ki saanso mein dhundlaa gaye.

kaash, ki aasmaan ka ek sira pakad ke jhattak paata,

     kisi chaadar ki tarah,

     mann bhi, kabhi

kaash!

khair, bujhaaye hi rakho ab.

     inn taaro ki tim-timaahat chubhti hain aankho mein,

bisree yaadon si, ab...

yeh aadha chaand aur yeh do taare bhi le jaao,

     nahi chaahiye ab

     saansein bhi, bass

iss ped ke saaye se bheegi huyi zameen

     hi apni.

dreams?

as i try to sleep, the deads of the tomorrow are waiting to pounce on me tonight..

should i forgive them?

may i forgive them?


but, can I forgive them?